formspring.me

Do you like to play video games?

no :)

http://www.formspring.me/MustafaAhmd

سوريااااااا للأبد !

السلام عليكم.. رمضان كريم.. ها أخبار الصيام إيه والقيام والقرآن؟! يارب تكونوا بخير، وتكون في وضع أفضل من قبل رمضان وربنا يتقبل منكم أعمالكم..

معلش إحنا عندنا شوية مشاكل كده في مناطق كثيرة.. لكن هي زيادة حبين في الصومال وسوريا..
هانتكلم عن سوريا.. ولاحقًا هانتكلم عن الصومال إن شاء الله !

مش عارف صراحة.. هو الواد بشار الكلب ابن الكلب ده عمال يعض في الناس هناك كده ليه؟!
طبعًا خايف ع الكرسي اللي بسلامته بابا حافظ سايبه له !
كأني بتاع عيلتهم الواطية !

ربنا قادر عليه هو ماهر وكل أفراد عيلتهم.. شوية السفهاء دول.. اللي استحلوا دم السوريين وسايبين اليهود في الجولان !
لكن هانقول إيه!
الحرية لها ثمن، ومالكوم إكس كان بيقول كلمة جمييييلة جدًا: (إذا لم تكن مستعدًا للموت من أجلها فاحذف كلمة الحرية من قاموسك)!

صدق فعلًا.. ولو انه حيًا لرأى ماذا تفع الشعوب العربية في حكامهم التَفَهَه السَفَلَه !

بس إحنا هنا مش معنى إننا عندنا ثورة وقانون إنتخابات مليونيات وكل القصص دي ننساهم.. لاااااااااااااااااااااااا
إحنا ممكن نساعدهم وبجهد قليل بس فعاااااااااااال..
أولاً: نتابعهم على مختلف الصفحات الخاصة بيهم على الفيس بوك.. وأشهرهم:

1- شبكة شام

2-اتحاد تنسيقيات الثورة السورية | Syrian Revolution Coordinators Union

F.N.N -3 | شبكة فلاش سوريا

وبالمنسابة.. في حملة الآن شغالة تسمى: (لن نخدم في جيشٍ يقتلنا) وإعلانها على كل الصفحات:


فاضل حاجة أخيرة كده.. ماهو الموضوع مش مجرد متابعة وبس :)
إحنا واجب علينا إننا ننشر وندعمهم وبالذات إعلاميًا..
انا عملت صفحة ع الفيس بوك إسمها: الدعم الإعلامي لثورة الشام

ممكن نتشارك ع الصفحة.. في أفكار كتير هاتبقى عليها إن شاء الله..

ويارب رمضان يعدي.. وأهلنا في سوريا يعيدوا بدون تهنئة الكلب واد الكلب اللي عمال يعض فيهم زي ماأبوه عمل..

واللهم إني صائم!

شاركوا الثورة السورية

دا رابط لقناة تقدم الدعم الإعلامي للثوار هناك !

هناك حملة بعنوان لاتخدم في الجيش السوري.. شيييييييييير وشارك الثورة

http://www.youtube.com/user/DayOfRageTV#p/u

لست واثقًا في المجلس العسكري !!

من بداية الأمر وهو لايروق لي.. ولا أعلم سر عدم جديته في أمور كثيرة لاتأتي إلا بالضغط ؟؟!
قال في البداية أنه يقف مع حقوق الشعب يدًا بيد، ووزع الورود علينا في جمعة النصر.. وأكلنا الجاتوه وخدنا حقنة.. وبعد كده عمل إيه؟؟!!

هناك أسباب كثيرة تدفعني لعدم الثقة فيه.. خد عند يامعلم:

أول حاجة: ماسبب تخوينه حركة 6 أبريل في هذه الفترة بالذات؟! رغم أن اللواء الرويني صرح بأنهم يعرفون عن الدعم المادي ل 6 أبريل منذ 2009 !!
وجلس مع الشباب على مائدة مفاوضات واحدة.. وكانوا شركاء الثورة وأبناء هذا الوطن، الشباب الذي حرك مصر!!
ماالذي جد في الأمر؟!
لماذا أصبحوا فجأة خونة؟؟!!!
ثم لماذا ترك العراك بين الأهالي في ميدان العباسية حتى سقوط أكثر من 300 جريح؟!
هل من مهمة راعي الأمن وحامي اليلد وحاكمها ان يترك مشاجرة بهذا الحجم تحدث؟؟!!!!
صدقًا شيئ مقزز!!
الذي أستطيع أن أستنبطه من هذا أن المجلس العسكري يعمل على تفريق صف الثوار، وترك قضية التدريب والتمويل زي كارت يرميه وقت مايشوف !!

نقطة تانية: قضية شق الصف تسير في الإتجاه المضبوط.. خاصة بعد جمعة الإرادة الشعبية.. ماهو الإسلاميين مش هايوافقوا إنها تكون ليبرالية ولا شيوعية ولابتنجانية.. فلازم ننزل بجمعة تهز البلد وتخلي كل اعداء الشريعة يقعدوا في الجحور.. خاصة بعد ماظهر إنهم خونة وبيتقاضوا تدريبات وتمويلات من بره !!

ومع تبجيلي وحبي الشديد للإخوة الوهابيين.. لكن دي بالنسبة لهم سنة أولى سياسة.. فأكيد هايبقى تخبيط جامد، ومع حسن الظن بكثير منهم.. لن أنسى أن البعض كان غطاء لأمن الدولة بل مازالوا إلى الآن..
تقدر تقولي مثلًا المجلس العسكري كان ساكت ليه على الشيخ أبو أنس ولا مش عارف أبو مين.. لما شغال عمال على بطال إنه هايولع في الكنايس علشان عبير وكل المسلمات !!
مش دا تحريض ع الفتنة الطائفية برضه؟!

كمان نقطة إن تعويض الشهيد يزيد ل 30 الف بعد ماكان 5 قبل محاكمة مبارك ممكن يهديهم لما المحاكمة تتأجل ولا لما المخلوع مايجييش علشان عنده شوية برد في ركبه !!
وحوار يدور في بيت الشهيد كالتالي:

طرف 1 : اجلوا المحاكمة تاني ولاد الـ ........... الناس دي بتسهبل ومش هايعملوا حاجة !!
طرف 2 : ازاي بس بيستهبلوا ولسه التعويش زايد.. دم الشهيد في إيد أمينة.. دا جيش مصر برضه !!

وطبعًا لو المخلوع ماجاش ولا اتأجلت القضية.. فالقوى الثوى والحركات المختلفة مش فاضية للكلام ده !!
ناس بتتمول من بره، وناس خونة، وناس بتاخد فلوس من أمريكا وناس من قطر.. وناس عاوزة الشريعة وناس عاوزة الدستور وناس مبادئ فوق الدستور وناس عاوز انتخابات !!
بمناسبة الإنتخابات صحيح.. هو المجلس العسكري أجلها ليه؟! وليه ماعدلش قانون الإنتخابات اللي الأحزاب رفضته؟!

معلش .. أصلي ماتعودتش أثق في حد أقسم يمين الولاء لمبارك.. كمان أنا بقتنع بنظرية المؤامرة على طول..!!

وتصبحوا على خير..
ويارب يارب يارب يارب نصبح على رؤية المخلوع وعياله وحبيبه ورجالته في القفص ويآخدوال الحكم ونخلص.. علشان كل اللي فوق دا يطلع كلام مالوش أي علاقة بالواقع !!

وجائنا رمضان ..

كل عام وأنتم بخير حال، نعم جاء رمضان، جاء شهر العبادات والفضائل والقرآن، لكن هانقول إيه بس.. عندنا شوية مشاكل وتعكر الدم صراحة !!

أحمق سوريا الذي يقتل هو وأذنابه في أطهار الشام !!
ولا أحد يحرك ساكنًا تجاههم، لأن الدراما السورية أفضل بكثير مما يحدث حقيقة على أرض سوريا !!
وإخواننا في الصومال الذي يشتد عليهم الجوع في هذه الأيام، والعالم الخارجي لايلقي لهم بالًا ولايهرع إلى مساعدتهم !!


أرجوا ان يمر رمضان على الأمة الإسلامية بخير وان تكون نهايته أفضل من بدايته ..
قولوا آمين..

وإن شاء الله إن النت في الشبكة عندي نصفني لي تدوينة يوميًا .. وكل عام وأنتم بخير وبالصحة والسلامة :) :)